Vërshimet e shiut kanë përfshirë edhe komunën e Junikut, nënkryetari i kësaj komune ka kërkuar nga qytetarët e Junikut që të kenë kujdes më të shtuar.
Ai gjithashtu ka thënë se niveli i ujit ne Lumin Erenik mund të rritet dhe se rrezikon të dalë nga shtrati.
“Ju lutemi për kujdes të shtuar për shkak të reshurave të dendura të shiut që kanë përfshirë Komunën tonë, e që ka bërë që niveli i ujit në Lumin Erenik të rritet e që pastaj rrezikon edhe të dal nga shtrati”, ka thënë nënkryetari i Junikut, Besart Tofaj.
Ai u kërkoi gjithashtu qytetarëve të Junikut që në rast të ndonjë emergjente të thërrasin ekipet emergjente të zjarrfikësve apo edhe Policinë e Kosovës.
“Krahas thirrjes për kujdes ju lutemi që në rast të ndonjë emergjence të lajmëroni Zjarrfikëset (193) apo edhe Policinë e Kosovës (192). Kjo gjendje mund të vazhdoj edhe në ditën në vijim sepse sipas IHMK-së, zonat më të rrezikuara nga vërshimet janë në Dukagjin, qytetet Gjakovë, Junik, Deçan, Pejë, Istog, Klinë, Malishevë dhe Rahovec”, ka vazhduar Tofaj.
Ai gjithashtu ka shpërndarë një video ku shihet lumi Erenik dhe uji i rrëmbushem i shkaktuar nga reshjet e shiut.