Të dielën Serbia do të mbajë zgjedhjet e jashtëzakonshme, parlamentare, rajonale për të zgjedhur edhe kreun e qytetit të Beogradit.
Sigurisht, në këto zgjedhje janë të përfshirë edhe shqiptarët të cilët jetojnë në Luginë.
Për herë të dytë në këto zgjedhje shqiptarët po garojnë me dy lista.
Sipas Kryetarit të Këshillit për të drejtat e Njeriut në Luginë edhe kësaj radhe shqiptarët do kenë veshtrësi për të nxënë vend si deputet në Parlamentin serb.
Njëra ndër arsyet sipas tij është që shqiptarët atje po garojnë me dy lista.
“Këtë herë do të jetë më e vështire duke pas parashyshë që migrimi ka vazhdu ndërkohë, ka pas pasivizim të vendbanimeve edhe ata qytetar e kanë humbur të drejtën e votimit”, ka thënë Belgzim Kamberi.
Në ndërkohë, kryetari i Partisë për Veprim Demokratik në Bujanovc, Ragmi Mustafi ka pritshmëri që shqiptarët mund t’i marrin edhe dy vende në Kuvendin e Serbisë.
“Ne presim që ky proces zgjedhor të kryhet me sukese, në radhë të dytë që të pëfitojmë një madje dy deputet nga ky proces, në radhë të tretë sigurisht cështjet që kanë të bëjë drejtëpërdrejt me shqiptarët e Preshevës e në vecanti është edhe spastrimi etnik me mjete administrative”, ka deklaruar Ragmi Mustafi.
E Kamberi komentoi edhe sondazhet që paraqesin atmosferën e atyre zgjedhjeve duke thënë se edhe Aleksandar Vuqici në këto zgjedhje është i rrezikuar.
“Sipas të gjitha sondazheve për herë të parë në Serbi që nga ardhja në pushtet e zotit Vuqic, opozita më proliberale mund ta rrrezikoj dhe ka një përqinje më të lartë të rezultatit zgjedhor”, është shprehur Belgzim Kamberi.
Kryetarët e disa komunave në Kosovë i kanë ofruar transport falas shqiptarëve që jetojnë në Kosovë por vijnë nga Lugina në mënyrë që të dielen të shkojnë të votojnë në këto zgjedhje të jashtëzakonshme.