Zëdhënësi i Bashkimit Evropian, Peter Stano, ka thënë se Bashkimi Evropian e dënon plagosjen e mbrëmjes të së premtes, në Shtërpcë.
Në një postim në Twitter, Stano u ka uruar të plagosurve shërim të shpejtë.
“Bashkimi Evropian dënon plagosjen e një fëmije dhe një të riu. Është e rëndësishme që autoritetet të hetojnë plotësisht këtë dhe drejtësia të vihet në vend. Personave të plagosur u urojmë shërim të shpejtë”, shkruan Stano.
Kosovo: 🇪🇺 firmly condemns the shooting of a child and a young man in 🇽🇰 yesterday. Important that authorities will fully investigate this despicable crime and justice is exerted.
We wish the victims a full and speedy recovery.— Peter Stano (@ExtSpoxEU) January 7, 2023
Dy persona, njëri 11-vjeçar e tjetri 21-vjeçar, janë plagosur këtë të premte, në fshatin Drajkovc të Shtërpcës.
I dyshuari për këtë rast, A.K. i moshës 33-vjeçar, është identifikuar dhe arrestuar nga Policia e Kosovës. Për të njëjtin, ministri i Mbrojtjes, Armend Mehaj, ka treguar se është pjesëtar i Forcës së Sigurisë së Kosovës.
Ndërkaq, raporti 24-orësh i Policisë së Kosovës bën të ditur se të plagosurit janë jashtë rrezikut për jetë.