Kryeministri i Shqipërisë, Edi Rama, ka bërë të ditur se trupa dhe mjetet e Forcave të Armatosura të Shqipërisë janë nisur drejt Kosovës.
E, kjo mbështetje erdhi për të iu dalë në ndihmë banorëve të disa komunave në Kosovë, të cilat janë prekur rënë nga përmbytjet.
- MPB njofton për gjendjen në komuna, apelon qytetarët të kenë kujdes të shtuar
- Qytetarët e Klinës kërkojnë ndihmën e institucioneve pas vërshimeve
“Trupat dhe mjetet tona të Forcave të Armatosura, për të mbështetur banorët e disa prej komunave në Kosovë, të cilat janë prekur shumë rëndë nga përmbytjet, si pasojë e reshjeve të jashtëzakonshme”, ka shkruar Rama.
Disa nga komunat e Kosovës, përfshirë Mitrovicë, Skenderajt, Klinë , Pejën e në disa rajone të tjera gjatë të enjte (dje) dhe gjatë të premtes (sot) si pasojë e reshje t shitur janë vërshuar shumë shtëpi, lokale.
Deri më tani Policia e Kosovës ka bërë të ditur se dëme në njerëz nuk ka.
Ministri i Mbrojtjes së Shqipërisë, Niko Peleshi, ka thënë se “forca dhe mjete nga FA janë dislokuar në Kukës, në gatishmëri për të mbështetur banorët e disa prej komunave në Kosovë, të cilat janë prekur nga përmbytjet si pasojë e reshjeve të dendura ditët e fundit”.
Ai tha se ata FA janë të gatshëm të ndërhyjnë në koordinim me autoritetet e Kosovës, në rast të përkeqësimit të situatës.
“Me vëllezërit tanë në ditë të mira dhe të vështira”, ka shkruar Peleshi.