Policia jep detaje për rastin e “vjedhjes së rëndë” në Prishtinë, njëri prej të arrestuarve është i mitur

Pasi në raportin 24-orësh të Policisë së Kosovës u raportua për arrestimin e tre të dyshuarve për "vjedhje të rëndë" në Prishtinë, Policia e Kosovës ka dhënë më shumë detaje

Ilustrim

Policia e Kosovës ka dhënë më shumë informacione mbi arrestimin e tre të dyshuarve në Prishtinë, për kryerjen e veprës “vjedhje e rëndë” dhe “armëmbajtje pa leje”, ku personi i katërt i dyshuar është në arrati.

Policia e Kosovës ka njoftuar se nga tre të arrestuarit e dyshuar, njëri prej tyre është i mitur, ndërsa dy të tjerë janë të moshës 41 dhe 36 vjeç. I dyshuari i katërt që është në arrati është i moshës 48 vjeç.

“Arrestimi i të dyshuarve ka ardhur si rezultat i një pune të shkëlqyer hetimore, të cilën specialist për hetimin e krimit e kanë bërë në rastin e denoncuar me datën 10.02.2023”, njofton Policia e Kosovës.

Tutje, njoftohet se pjesë e aksionit policor ka qenë edhe kontrolli i dy lokacioneve të ndryshme, ku personave të dyshuar u janë gjetur dhe sekuestruar dy armë zjarri dhe gjësendet (stoli, disa ora dore, etj.), të cilat dyshohet se janë të vjedhura.

“Aktualisht hetuesit policorë në koordinim me prokurorin e shtetit, janë duke kryer veprimet e nevojshme, lidhur me veprën vjedhje e rëndë dhe dy armëmbajtje pa leje”.

Identifikohen katër të dyshuar për “vjedhje të rëndë” në Prishtinë, i dyshuari i katërt gjendet në arrati

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika