Analisti politik, Imer Mushkolaj, e ka kritikuar intervistën e kryeministrit të Kosovës, Albin Kurti, në emisionin Debat Plus, pasi sipas tij, ai ka qenë i frustruar dhe i ashpër gjatë gjithë kohës.
Po ashtu, Mushkolaj e ka komentuar edhe pjesën ku kryeministri Kurti ka thënë se marrëveshja e arritur me Serbinë në kuadër të planit evropian është e mirë, pasi premton një të ardhme më të mirë.
Por, analisti Mushkolaj duke perifrazuar kryeministrin Kurti, ka thënë se këtë marrëveshje e konsideron të mirë vetëm sepse e ka nënshkruar ai.
- Kurti: Jo Zajednicës edhe atëherë, edhe sot
- Kurti: Do të ketë vetëmenaxhim për komunitetin serb, jo për komunat
“Sa i përket marrëveshjes, atë që kuptova prej kryeministrit është se sipas kuptimit tim, po them se si e kuptova unë, është se marrëveshja nga ana e tij ‘është e mirë se e kam nënshkruar unë. Por, po të isha më herët do ta kritikoja këtë marrëveshja që e kam nënshkruar”.
“Domethënë është interesant qysh e dha shpjegimin, ashtu siç e kuptova unë se ai e ka nënshkruar një marrëveshje sepse është detyruar ta nënshkruajë, pavarësisht në një situatë tjetër më komode nuk do ta kishte pranuar apo do ta kishte kritikuar siç bëjmë ne analistët apo edhe një pjesë e madhe e gazetarëve, opinionistëve, dhe opozitës”, është shprehur ai.