Shtëpitë dhe strukturat në qytet, rreth 100 milje në verilindje të Kievit, u shkatërruan nga granatimet e rënda ruse.
Kjo ndodhi përpara se forcat ruse të zvogëlojnë ndjeshëm aktivitetin e tyre ushtarak në zonë, në fund të muajit mars.
Banorët tani kanë filluar ngadalë të mendojnë për rindërtimin.
Për 77-vjeçaren Anna Selivon, ky do të jetë një rrugëtim i vështirë. Asaj nuk i ka mbetur asnjë nga familjarët, përveç një nipi që i bën vizitat.
Çatia e shtëpisë së saj të vogël u shkatërrua tërësisht nga sulmet ajrore dhe tani ajo po pastron ngadalë shtëpinë e saj me një karrocë të vogël.
“Isha ulur aty, u hodha jashtë, nuk ka asgjë, gjithçka është në zjarr, nuk është mirë. Një grua tha – Ti je e fortë, mund ta kapërcesh këtë. Por, unë nuk mundem, nuk mund ta kapërcej këtë, nuk mund të jesh e fortë kur je vetëm.”
Rusia i quan veprimet e saj në Ukrainë një “operacion special” për çarmatosjen dhe “denazifikimin” e Ukrainës.
Ukraina dhe aleatët e saj perëndimorë e quajnë këtë një pretekst të pabazë për një luftë agresioni.