Civilëve që jetojnë në Gazën veriore u është thënë nga ushtria izraelite që të përdorin dy rrugë për të shkuar në jug sot, sipas një zëdhënësi.
Përmes një postimi në platformën “X”, zëdhënësi i Forcave të Mbrojtjes të Izraelit, Avichay Adraee, ka thënë se dy rrugë mund të përdoren midis orëve 10:00 dhe 16:00 “pa asnjë dëm”.
Ata që jetojnë në qytetin e Gazës janë këshilluar të lëvizin në jug nga Beit Hanoun në Khan Yunis, përpara një ofensive të mundshme tokësore nga ushtria izraelite, raporton BBC, përcjell Dukagjini.
Sekretari amerikan i Shtetit, Antony Blinken, i ka bërë thirrje Izraelit që të minimizojë vdekjen e civilëve palestinezë, duke thënë se SHBA-ja po punon për të krijuar zona të sigurta në Rripin e Gazës.
Kryeministri i Izraelit, Benjanim Netanyahu, është zotuar se do të shkatërrojë grupin militant palestinez të Hamasit, përderisa ushtria e tij po përgatitet për një sulm të pritshëm tokësor në Rripin e Gazës.
“Ky është vetëm fillimi”, ka thënë Netanyahu. “Ne do ta përfundojmë këtë luftë më të fortë se kurrë”.