Raportohet se një rafineri nafte në jug të Rusisë është kapluar nga zjarri

Fotografi nga arkivi.

Rafineria më të madhe e naftës në jug të Rusisë është goditur nga dy dronë ukrainas të shtunën, raporton agjencia e lajmeve Reuters.

Ky është sulmi më i fundit në një varg sulmesh ndaj objekteve të naftës ruse.

Më herët, autoritetet lokale ruse thanë se kanë shuar një zjarr në rafinerinë e naftës në Volgodrad, pas një sulmi me dron. Prodhuesi i naftës Lukoil, i cili e ka në pronësi këtë rafineri, tha më vonë se ajo është duke punuar normalisht.

Sipas Reuters, Forcat e Sigurisë së Ukrainës e goditën objektin parësor të përpunimit, pa të cilin rafineria mund të humbë kapacitete të rëndësishme prodhuese.

Zyrtarët ukrainas rrallëherë marrin përgjegjësi publikisht për sulmet brenda territorit rus.

Rafineria në Volgograd është më e fundit që goditet nga dronët. Kievi beson se infrastruktura e tillë është e rëndësishme në përpjekjet e Kremlinit në luftë.

Largësia mes qytetit verilindor të Ukrainës, Harkiv, i cili është pranë kufirit rus, dhe qytetit jugor të Rusisë, Volgograd, është rreth 600 kilometra, shkruan REL.

Rusia është duke kryer rregullisht sulme raketore me rreze të gjata veprimi ndaj caqeve në Ukrainë prej se e nisi pushtimin e shtetit fqinj para rreth dy vjetëve, duke e detyruar Kievi të gjejë mënyra për ta luftuar pushtimin kundër një Moske me teknologji ushtarake më të avancuar.

Synimi i Ukrainës ka qenë ta nxisë inovacionin në teknologjinë e dronëve dhe ta mbështesë prodhimin e dronëve me rreze të gjata veprimi, në mënyrë që ushtria e saj të jetë në gjendje t’u përgjigjet sulmeve ruse.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika