Miratohet marrëveshja në vlerë 90 milionëshe mes Kosovës dhe Bankës Botërore

Ministria e Financave ka njoftuar se është miratuar marrëveshja 90 milionëshe mes Kosovës dhe Bankës Botërore

Bordi i Bankës Botërore dje ka miratuar marrëveshjen për Financimin e Politikave Zhvillimore për Politikën Fiskale, Konkurrueshmërinë dhe Rritjen e Gjelbër mes Kosovës dhe Bankës Botërore, me një vlerë prej 90 milionë eurosh.

“Kjo marrëveshje vjen si rezultat i veprimeve të realizuara të Republikës së Kosovës në forcimin e stabilitetit fiskal dhe makroekonomik, rritjen e efikasitetit të shpenzimeve publike, krijimin e një ambienti të favorshëm për investime dhe fillimin e tranzicionit drejt një ekonomie të gjelbër”, thuhet në njoftim.

Në njoftim thuhet se përmes marrëveshjes së re, e cila do të nënshkruhet muajin që vjen gjatë takimeve pranverore në Uashington, janë realizuar një varg veprimesh, siç janë reforma ligjore në fushën e edukimit në fëmijërinë e hershme, përmirësimi i efiçiencës së energjisë, zvogëlimi i barrës administrative, rritja e investimeve të huaja direkte, digjitalizimi dhe lehtësimi i të bërit tregti.

“Vendimi i Bankës Botërore për të mbështetur Republikën e Kosovës tregon përkushtimin e Bankës për t’i mbështetur politikat zhvillimore në Kosovë”, thuhet tutje në njoftim.

 

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika