Kreu i Aleancës për Ardhmërinë e Kosovës [AAK], Ramush Haradinaj, u ka uruar mirëseardhje mërgimtarëve, por që sipas tij Kosova “ende është larg pritshmërisë të tyre”.
Haradinaj u është drejtuar atyre duke thënë “mos u besoni fjalëve të mira, por boshe”.
Haradinaj, përmes një postimi në rrjetin social Facebook, ka shkruar se edhe këtë vit, mërgimtarët do të ballafaqohen me kolona dhe pluhur në rrugët e pakryera në vendlindjen e tyre, qoftë në Gjilan, Pejë e kudo në Kosovë.
“Ju jeni gjysma jonë dhe asnjëherë nuk do të jeni musafirë dhe sukseset e dështimet i kemi përbashkëta. Ju presim me bukë e krypë e zemër e ju urojmë pushime të mira në vendlindje. Të tjerat mos ja u falni e mos u besoni fjalëve të mira por boshe edhe një herë. Kosova dhe ju meritoni më mirë”, u deklarua Haradinaj.