Ana Bërnabiq, ish-kryeministrja dhe zyrtarja e Partisë Progresive Serbe (SNS) në pushtet, u zgjodh kryetare e Kuvendit të Serbisë në një votim të mërkurën.
Nga 158 deputetë të pranishëm në sallë, 153 votuan për emërimin e saj, ndërsa pesë ishin kundër.
Propozimi për Bërnabiqin u bë nga vetë SNS-ja, e cila bashkë me partnerët e saj në listën zgjedhore, kontrollon shumicën prej 129 ulëseve në 250 të Kuvendit.
Procesi i zgjedhjes u shoqërua me debate e tensione të larta në mes të deputetëve.
Në kohën e debatit, deputetët opozitarë kritikuan ashpër propozimin e Qeverisë për zgjedhjen e Bërnabiqit në krye të Kuvendit.
Borisllav Novakoviq, deputeti opozitar nga Lëvizja Kombëtare e Serbisë, shprehu kundërshtimin, duke theksuar nevojën për një kryetare të moderuar dhe të gjakftohtë në seancat parlamentare.
Ai gjithashtu akuzoi Bërnabiqin për ofendime ndaj opozitës dhe sugjeroi që ajo duhet të punojë në fjalorin e saj, raporton REL.
Ndërkaq, lideri i SNS-së dhe ministri i Mbrojtjes në Qeverinë Teknike të Serbisë, Millosh Vuçeviq, kundërpërgjigjen e Novakoviqit e cilësoi si shembullin e një krimineli, pretenduar se ai ka “vjedhur” para nga buxheti i shtetit.
Ai gjithashtu përmendi një ish-deputet të caktuar si shembull të ndershmërisë për opozitën.