Ish-zevëndësministri i Punëve të Jashtme në Kosovë, Anton Berisha, të mërkurën e 8 qershorit me anë të shkrimi në Facebook ka kritikuar kryeministrin Albin Kurtin.
Postimi fillon duke thënë se takimi i Kurtit dhe Sekretares së Përgjithshme, Liz Truss të lë përshtypjen se është fjala për Kosovën si një fuqi ekonomike anëtare e G7.
“Deklarata qendërzuese e Albin Kurtit pas takimit me Sekretaren e Jashtme, Liz Truss, me të cilën “ është pajtuar që të marrë masa shtesë kundër Rusisë…” të lë përshtypjen se është fjala për Kosovën si një fuqi ekonomike anëtare e G7 dhe fuqi ushtarake anëtare e NATO-s”.
Berisha ka thënë se nga deklarata e zyrtares britaneze, me një lexim të kujdesshëm nënkuptohet gatishmëria e MB për të përkrahur Kosovën në raportet bilaterale, por edhe në efektet eventuale destabilizuese ruse në Ballkanin Perendimor.
“Ky djalë, që nuk ka lënë gurë pa lëvizur dhe nuk ka lënë kënd pa gjuajtur me gurë, për të ardhur në pushtet, tash nga pozita e kryeministrit refuzon deri në sabotim për t’u marrë me qeverisjen e vendit të vet në përmasat dhe me problemet reale të saj, e që janë të shumta”, ka shkruar Anton Berisha.
Ish-zevëndësministri i Kosovës tutje ka shkruar se, në virtualitetin e qeverisjes dhe gjendjes si pjellë e imagjinatës së kryeministrit Kurti luan rolin e një ligjëruesi dhe kryeministri me peshë globale.
Anton Berisha ka shtuar se, ” E përkthyer në realitet, ai Kosovën është duke e dëmtuar për çdo ditë përderisa vetes është duke ia plotësuar, siç e tha një deputet i tij, ëndrrat e dëshirat personale hiç më pak se nga pozita e kryeministrit.
“E përderisa ai është duke bredhur në dynja prej katedre në katedër, që vendin e vet, të cilin nga pozita e opozitarit e paraqiste të shkatërruar për 20 vjet, e nga pozita e qeveritarit e ligjeron si storie suksesi, vartësit e tij në Kosovë janë duke bërë kërdinë në buxhetin e Kosovës ndërsa ritmi i rritjes së çmimeve është i bërë tmerri i qytetarit kosovar”, përfundon Berisha.