Anija e parë e mallrave e cila është nisur nga Ukraina, është përballur me mot të keq në Detin e Zi dhe do të mbërrijë në Stamboll më vonë sesa që ishte planifikuar, ka thënë një zyrtar turk të martën e 2 korrikut.
Razoni me flamurin e Sierra Leone është nisur nga porti ukrainas i Odesës të hënën e 1 korrikut, dhe tani pritet të arrijë në Stamboll herët të mërkurën e 3 gushtit, sipas kundëradmiralit Ozcan Altunbulak.
Zyrtarët rusë, ukrainas, turq dhe të OKB-së do të inspektojnë anijen pasi të ankorohet në Stamboll.
Këto inspektimet janë pjesë e një marrëveshjeje të ndërmjetësuar nga OKB dhe Turqia për të zhvendosur rezervat e grurit të Ukrainës në tregjet e huaja dhe për të lehtësuar një krizë globale ushqimore në rritje, raporton euronews.
Altunbulak ka thënë se “përgatitjet dhe planifikimi” po vazhdojnë për anijet e tjera që pritet të largohen nga portet e Ukrainës, por nuk ka dhënë detaje.
Si pjesë e marrëveshjes së 22 korrikut për dërgesat, të cilat përfshijnë grurë dhe pleh rus, janë krijuar korridore të sigurta përmes ujërave të minuara jashtë porteve të Ukrainës.
Megjithatë, situata në Detin e Zi mbetet e tensionuar dhe presidenti ukrainas Volodymyr Zelenskyy iu ka bërë thirrje partnerëve ndërkombëtarë që të vëzhgojnë nga afër pajtueshmërinë e Moskës me marrëveshjen.