Në një video të publikuar në rrjetin social Tiktok shihet një person i maskuar që i vë flakën flamurit të Serbisë në komunën e Graçanicës, derisa flamuri i shtetit serb ka qenë i vendosur afër statujës së Car Lasarit në rrugën në drejtim të komunës së Gjilanit.
Në momentin që personi i vë flakën flamurit, në sfond dëgjohet kënga e këngëtarit Mehedi Përgjegjaj i njohur shkurt si Meda.
Kënga është “Moj Kosovë”.
“Janë çu në këmbë burrat e dheut si në kohë të Skënderbeut, më ja kthye pushkën dushmanit me i dalë zot vatanit. Moj Kosovë jo nuk mposhtesh kurrë, bac Ademin, bacën Hamëz t’i mi ke në flamur”, thuhet në këngë.
Portali Dukagjini ka kontaktuar me Policinë e Kosovës, por ende nuk është përgjigjur për këtë çështje.