Policia ushtarake e Forcës së Sigurisë së Kosovës (FSK) dhe ajo e Forcave të Armatosura të Republikës së Shqipërisë (FARSH), gjatë javës që lamë pas, kanë përfunduar stërvitjen e përbashkët ushtarake në Republikën e Shqipërisë.
Fusha e mbrojtjes së afërt, ngritja e pikave të kontrollit dhe përcjellja e konvojit me mjete të rrezikshme ishin aktivitetet në të cilat u fokusuan më shumë për t’u stërvitur Forcat ushtarake të Kosovës dhe ato të Republikës së Shqipërisë, thuhet në një postim të FSK-së në rrjetin social Facebook.
Pjesë e këtij trajnimi ishin një tog i Policisë Ushtarake të FSK-së dhe një tog i FARSH-it, prej të cilëve përfituan njohuri të reja nga përvojat dhe eksperiencat e shumta që treguan gjatë realizimit të stërvitjeve.
Stërvitja ushtarake u realizua në kuadër të bashkëpunimit të dyanshëm në mes të Ministrisë së Mbrojtjes të Republikës së Kosovës dhe të Ministrisë së Mbrojtjes të Republikës së Shqipërisë, me qëllimin e ngritjes së ndërveprueshmërisë në mes dy ushtrive.