Një granatë dore e kohës së luftës është gjetur në Mramor të Prishtinës.
Njësitet e deminimit të FSK-së dhe KFOR-it, gjatë gërmimit e kanë gjetur granatën e dorës dhe e kanë asgjësuar.
Raporti i Policisë së Kosovës bënë të ditur se ankuesi dyshon se ka mjete tjera të pashpërthyera.
“Ankuesi kosovar ka raportuar se, dyshon që në pronën e tij “diku nën dhe” ka mjete të pashpërthyera që nga koha e luftës. Njësitet e deminimit të FSK-së dhe KFOR-it kanë dalë në vendin e ngjarjes dhe gjatë gërmimit kanë gjetur një garantë dore të cilën e kanë asgjësuar në mënyrë të kontrolluar. Ankuesi dyshon që ka ende mjete të tjera të pashpërthyera në lokacion, prandaj njësitet e deminimit në ditët në vijim do të hulumtojnë për mjete të tjera. Lidhur me rastin është informuar edhe prokurori, i cili ka vlerësuar se nuk ka elemente të ndonjë vepre penale”, shkruhet në njoftimin e Policisë.