Një grua është gjetur pa shenja jete në shtëpinë e saj në Gjakovë.
Policia ka njoftuar se vdekja e saj është konstatuar nga ekipi mjekësor në vendin e ngjarjes.
Ndërsa, raporti 24-orësh i PK-së ka bërë të ditur se trupi i viktimës është dërguar në Institutin e Mjekësisë Ligjore (IML) për obduksion, derisa policia është duke e hetuar ngjarjen.
“Në vendin e ngjarjes kanë dalë të gjitha njësit përkatëse policore, në konsultim me prokurorin trupi i pa jetë i viktimës është dërguar në IML për obduksion”, thuhet në raportin e Policisë së Kosovës.