Kryetari i Aleancës për Ardhmërinë e Kosovës, Ramush Haradinaj, ka reaguar përmes një postimi në Facebook, në lidhje me rastin që ka ndodhur në Pejë, të mërkurën e 2 nëntorit, duke thënë që ngjarjet e tilla janë jonjerëzore dhe të moshuarit meritojnë përkujdesje dhe dinjitet.
“Rastet e tilla janë aq sa të dhimbshme, po aq të neveritshme, dhe nuk kanë vend në Kosovën tonë! Nanat, të moshuarit dhe çdo kategori e ndjeshme e shoqërisë tonë, meritojnë trajtim dhe dinjitet”, ka shkruar Haradinaj.
Ndërkaq, ka shtuar se është i shokuar nga ngjarja e ndodhur në Shtëpinë e Pleqve në Komunën e Pejës.
“I tronditur nga rasti në Pejë, ku nëna e Dëshmorit Taulant Nura, dhunohet fizikisht nga ato që duhet të kujdesen për të”, ka vijuar ai.
Teksa sjelljen e infermieres e ka quajtur të papranueshme, duke thënë që të gjithë personat përgjegjës të dalin para drejtësisë.
Ndër të tjera, ka uruar që rastet e tilla të mos përsëriten më kurrë.