Ambasadori i Shteteve të Bashkuara në Kosovë, Jeffrey Hovenier, ka zhvilluar një takim me komandantin e KFOR-it në Kosovë, Ozkan Ulutas.
Në një postim në rrjetet sociale, Hovenier ka theksuar angazhimin e përbashkët për sigurinë në Kosovë dhe ka diskutuar sfidat e vazhdueshme.
“Takimi i mirë me komandantin #KFOR MG Ulutaş. Përforcuam angazhimin tonë të përbashkët për sigurinë në Kosovë dhe diskutuam sfidat e vazhdueshme”, ka shkruar Hovenier.
Ai ka shtuar se Shtetet e Bashkuara qëndrojnë fuqishëm me forcat e KFOR-it në Kosovë, forcë “e cila punon për të siguruar një mjedis të sigurt dhe lirinë e lëvizjes në Kosovë”.
Ky takim dhe angazhimi i përbashkët tregon përkushtimin e vazhdueshëm të Shteteve të Bashkuara dhe KFOR-it për stabilitetin dhe sigurinë në Kosovë.