Ka potencial për eskalim, sanksionet ndaj Kosovës mund të shtohen

Pas mos-dakordimit dje në Bruksel, Peter Stano i BE-së ka deklaruar se sanskionet ndaj Kosovës mund të shtrëngohen apo lehtësohen varësIsht nga rrjedha. Në Kosovë njohësit e rrethanave politike nuk shprehen optimist për një zgjidhje të afërt teksa, iu druhen sanksioneve të reja, bazuar në mos-koordinimin e vazhdueshëm me ndërkombëtarët

Polemika përmes deklaratave, fajësime e akuza mes palëve e shpalosje të dokuementeve që u prezantuan brenda, u panë pas takimit të djeshëm në Bruksel por, ujdi nuk pati.

Se dakordimi nuk u arrit as të enjtën u konfirmua edhe nga nikoqiri Josep Borrell edhe nga krerët e shteteve që po përpiqen për dialog, veçse shkaktarin nuk e patën të njejtë.

E vërteta që po vazhdon të mbetet janë sanksionet ndaj Kosovës, e që sipas BE-së ato mund të lehtësohen apo krejt e kundërta.

Peter Stano, zëdhënës i BE-së ka thënë se “Ka ende potencial për eskalim. Masat mund të kenë sukses për shtensionim. Masat ndaj Kosovës janë të përkohshme, të vendosura nga vendet anëtare që sipas tyre nuk duhet përdorur vetëm karotën por edhe shkopin. Masat do të jenë aty për aq sa vlerësohet. Ato mund të lehtësohen, por edhe të shtrëngohen”.

Rrethanat e krijuara nuk i japin aspak shpresë se zgjidhja është afër, profesorit të mardhënieve ndërkombëtare Dorajet Imeri.

Dorajet Imeri, profesor i mardhënieve ndërkombëtare ka thënè se  “E para ka një çarje të thellë mes palëve të përfshira në dialog dhe mundësia për të krijuar zgjidhje është minimale, e dyta Kosova nuk e sheh Bashkimin Evropian kredibil për të prodhuar zgjidhje dhe e treta ka mosbesim total në raportet Kosovë-Bashkim Evropian, dhe pastaj mundësia për të prodhuar një zgjidhje do të jetë relativisht e ulët ose inegzistente. Këtu mund të prodhojmë pasoja, ato mund të vijnë në formën e sanksioneve”.

Teksa për profesiorin universitar Faton Ismajli, konfrontimi me ndërkombëtarët nuk mund të vazhdojë pambarimisht, për çka thotë se Kurti e ka borgj një sqarim.

Faton Ismajli, profesor universitar ka thënë se “Kosova po rrezikon që të zhytet edhe më shumë në krizën e raporteve me ndërkombëtarë, kjo po duket se kryeministri aktual e bën qëllimshëm dhe e ka një far vizioni të bllokadës dhe konfrontimit me ndërkombëtarë.  … Kosovës i ka rënë mirë sa herë I ka dëgjuar ndërkombëtarët, kryeministri duhet të tregojë se kah po e qon Kosovën, njëra prej opsioneve mund të jetë edhe një zgjedhje“.

Peter Stano që është zëdhënës i BE-së, ndër të tjera të premtën ka thënë se takimi nuk ka dhënë rezultat për shkak se palët nuk janë të gatshme të kapërcejnë dallimet e tyre.

 

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika