Kryeministri i Kosovës, Albin Kurti, ka thënë se zgjedhjet evropiane të 9 qershorit janë vendimtare për të ardhmen, sigurinë dhe prosperitetin në Evropë.
Gjatë vizitës së tij në Berlin, Kurti përmes një postimi në Facebook, ka njoftuar se ka qenë pjesë e konferencës së nivelit të lartë të Partisë së Socialistëve Evropianë, dhe nga aty ka shprehur mbështetjen për kandidatët socialdemokratë Katarina Barley dhe Nicolas Schmit.
Ai ka vlerësuar se “vota për ta është e domosdoshme për mbrojtjen e vlerave e të parimeve demokratike, të solidaritetit e të gjithëpërfshirjes, të të drejtave të njeriut dhe sundimit të ligjit, të drejtësisë sociale e të pluralizmit politik”.
“Vota për ta është e domosdoshme për mbrojtjen e vlerave e parimeve demokratike, të solidaritetit e të gjithëpërfshirjes, të të drejtave të njeriut dhe sundimit të ligjit, të drejtësisë sociale e të pluralizmit politik”, ka shkruar Kurti mes të tjerash.
Sipas Kurtit, këto vlera janë të kërcënuara çdo ditë e më shumë nga rrymat e djathta radikale.