Policia e Kosovës ka parandaluar trafikimin e mbi 33 kilogramëve marihuanë në kufirin e Kosovës me Shqipërinë.
Në një njoftim zyrtar, Policia ka bërë të ditur se operacioni është realizuar më 22 shkurt në bjeshkët e fshatit Vermicë.
Sipas njoftimit, gjatë këtij operacioni, dy persona të dyshuar janë vërejtur duke hyrë ilegalisht nga territori i Republikës së Shqipërisë në territorin e Republikës së Kosovës përmes rrugëve malore.
Personat e dyshuar bartnin ngarkesa të dyshuara në shpinë dhe kanë lëshuar këto ngarkesa pasi janë urdhëruar të ndalohen nga zyrtarët policorë.
Një prej tyre ka arritur të ndalohet nga policia.
Ngarkesa e dyshuar ka qenë e vendosur në dy çanta, duke përfshirë 11 paketime me një peshë prej 33.800 kilogramësh.
Lidhur me rastin është konsultuar prokurori kompetent dhe rasti i kompletuar së bashku me substancën e dyshuar i dorëzohet Drejtorisë për Hetimin e Trafikimit me Narkotik Prizren për trajtim të mëtutjeshëm.
