Në hapësirën e destinuar për promovimin e shprehjeve alternative artistike në Kino Armata në Prishtinë, të dielat pasdite janë të rezervuara për shfaqjet e klubit “Kineto”.
Filmat do të jenë nga regjisorët italian si, Pasolini, Fellini, Antonioni, si dhe nga regjisori rus Tarkovsky, amerikani Stanley Kubrick, e shumë regjisorë të tjerë botërorë.
Filmat do të shfaqen nga ora 18:00.
Klubi “Kineto” është për të gjithë të pasionuarit pas filmit, dhe për ata që dëshirojnë të bëjnë debat rreth filmave që shfaqen në ekranin e kinemasë.
Pra, edhe qëllimi i këtij klubit është shikimi i një filmi nga një regjisor botëror, dhe diskutimi pas mbarimit të filmit. Të gjithë pjesëmarrësit mund të japin opinionet e tyre rreth filmit dhe regjisorit.
Të gjithë ata që duan të jenë pjesë e këtij klubi të filmit, duhet të plotësojnë një formular, i cili gjendet në faqen zyrtare të Kino Armatës, në Facebook.
Filmi i radhës do të shfaqet të dielën e 12 qershorit, nga ora 18:00.
