Njësisë e policisë ekonomike dhe financiare të Triestes, të koordinuar nga drejtoria e qarkut antimafia në gjykatën e Triestes, kanë sekuestruar 4.3 tonë kokainë dhe ka marrë masa paraprake arresti ndaj 38 personave, të cilët janë nga Evropa dhe Kolumbia, raporton mediumi italian Ansa.
Vlerësohet se kjo sasi e kokainës është paguar rreth 96 milionë euro nga grupet kriminale. Në tregun italian, shitjet me pakicë të kësaj sasie droge do të kapnin shumën prej të paktën 240 milionë euro.
Gjatë operacionit, përveç disa automjete, policia ka sekuestruar edhe një kamion dhe një fuoriostrad me vlerë mbi 100 mijë euro. Në operacionin e zhvilluar janë sekuestruar edhe 1.8 milionë euro para të gatshme (cash).
Veprimtarit hetimore, të cilat zgjatën mbi 12 muaj e që kishin filluar me bashkëpunimin midis gjyqësorit italian, policisë kolumbiane dhe agjencisë amerikane “Homeland Security investigations”, lejuan rindërtimin e rrjetit të dendur midis prodhuesve të kokainës në Amerikën e Jugut dhe blerësve në territorin italian dhe evropian, që i përkasin klaneve të njohura të krimit të organizuar që veprojnë në Lombardi, Lacio e vende tjera të Italisë, raporton Triestenews.