Shefat Isufi pret përkrahje në Munich: Fitoren do t’ua dedikoj shqiptarëve

Boksieri shqiptar Shefat Isufi është shprehur optimist para përballjes me boksierin armen, Armenak Hovhannisyan

Një mbrëmje e paharrueshme e boksit pritet të zhvillohet të shtunën në Munich të Gjermanisë, e cila do të transmetohet ekskluzivisht në RTV Dukagjini.

Në rast se triumfon kundër Hovhannisyan, Isufi tha se fitoren do t’ia dedikojë të gjithë shqiptarëve që janë nëpër botë.

”Këtë fitore do t’ia dedikoj të gjithë shqiptarëve kudo që janë, familjes time, promoterit dhe menaxherit tim që më mbështesin, gjihë atyre që janë afër meje. Pa njerëzit që më mbështesin nuk do të isha sot këtu ku jam,” tha ai në emisionin ‘Rreth e Rrotull’ në RTV Dukagjini.

Për boksierin shqiptar është e rëndësishme vetëm fitorja.

”Ne dëshirojmë të fitojmë ndeshjen me pikë apo me nokaut nuk është me rëndësi. Kryesorja është që të fitojmë ndeshjen dhe titullin,” theksoi Isufi.

Në fund, Shefat Isufi shtoi se pret përkrahje maksimale nga tifozët shqiptarë, të cilët e kanë mbështetur gjithmonë.

”Gjithmonë kam pasur përkrahje nga shqiptarët ku kam boksuar, por në Munich kam pasur gjithmonë shumë. Pres edhe kësaj radhe të jenë të gjithë prezent që të na përkrahin sepse janë ata që na motivojnë neve për të boksuar dhe për të dhënë një ndeshje të mirë,” tha ai.

Meçi mes Isufit dhe Hovhannisyan i takon kategorisë gjysmë të rëndë. Fituesi i këtij dueli shpallet kampion i WBA Continental Title.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika