Një këmbësore ka vdekur si pasojë e goditjes nga vetura në magjistralen Prishtinë-Pejë të shtunën e 15 tetorit.
Aksidenti ka ndodhur rreth orës 17:20 në vendin e quajtur “Kroni i Mbretit”.
Vdekja e këmbësores është konstatuar nga ekipi mjekësor në vendin e ngjarjes.
“Në ora 17:20, policia është njoftuar për një aksident trafiku të ndodhur në rrugën nacionale Prishtinë-Pejë (te Kroni i Mbretit). Nga vendi i ngjarjes, patrulla e policisë njofton se një veturë ka gotitur një këmbësore”.
“Për rastin është njoftuar edhe ekipi emergjent mjekësor, të cilët kanë konstatuar se këmbësorja është pa shenja jete. Policia po merret me rastin”, ka njoftuar Policia e Kosovës.