Zgjedhjet në Hungari / Orban përballet me një front të bashkuar opozitar

Gjashtë javë më parë, fushata zgjedhore e Hungarisë dukej shumë ndryshe, kur Viktor Orban, lideri me më së shumti qëndrim në pushtet në Bashkimin Evropian, po kërkonte ta zgjeronte pushtetin e tij autoritar edhe në dekadën e dytë.

Rivali i tij që udhëheqë frontin e bashkuar të opozitës, denoncoi sulmin e Orbanit ndaj institucioneve të pavarura dhe sundimit të ligjit, por, fokusi politik, ishte brenda vendit.

Kur politika e jashtme ishte në qendër të vëmendjes, ajo zakonisht ngrihej nga Orban për ta lartësuar veten, sikurse me datën një shkurt gjersa ishte në Moskë, pak metra larg aleatit të tij Vladimir Putin, lavdërohej për jetëgjatësinë e tij në pushtet.

Vladimir Putin në takim me Viktor Orban. Foto: CNN

Tani, gjithçka ka ndryshuar. Pushtimi i Uukrainës nga Putini, ka rihapur garën, duke dhënë protagonistë të rinj dhe duke u hapur mundësi të reja. Orbani ka mbetur si lideri më pro Putinit në tërë BE-në, gjë që kjo ka bërë që ai politikisht “të ecë në një litar të hollë”.

Kjo ka hedhur në dritë raportin mes tij dhe presidentit rus, si dy burra të fortë që në udhëtimet e tyre politike ka disa ngjashmëri të dukshme.

“Nëse doni të analizoni fushatën zgjedhore, duhet të vendosni një vijë më 24 shkurt”, tha Andrea Virág, drejtor i strategjisë në Institutin Republikon në kryeqytetin e Hungarisë, Budapest. “Që kur filloi lufta, është krejtësisht ndryshe”.

Gara e cila do të kulmojë në zgjedhjet e së dielës po portretizohet tani nga opozita si një udhëkryq midis horizontit lindor dhe atij perëndimor të Hungarisë.

“Ne kemi vetëm një zgjidhje: ne duhet të zgjedhim Evropën në vend të Lindjes,” u tha mbështetësve këtë muaj kandidati i opozitës Péter Marki-Zay, njeriu që mbart shpresat e çdo kritiku të Orbanit.

Marki-Zay, drejton një koalicion të bashkuar të çdo partie të madhe opozitare, që konsiderohet një përpjekje e fundit që tregon se si janë anashkaluar votat kundër Orbanit në zgjedhjet e kaluara.

Budapest, Foto: CNN

Lufta në kufirin e Hungarisë ka shtuar gjithashtu urgjencën ndaj asaj që tashmë ishte një marrëdhënie thumbuese midis qeverisë së saj dhe BE-së. Orbani ka mbështetur shumicën e sanksioneve kundër rusisë. Pragmatisti i njohur i cili ka mbajtur raporte të mira me diktatorë dhe me demokratë për shumë vite, tashmë është fokusuar ta mbajë Hungarinë jashtë konfliktit, dhe po ashtu ka shmangur shumë mundësi ta mohoj raportin e tij me Putinin, edhe pse ky i fundit ka nisur luftën.

Tash, e ardhmja politike e Orbanit, varet nga ndryshimi i tij, një paqeruajtës i vetëshpallur që nuk heq dorë nga Rusia.

 

*Pjesë e përkthyer dhe përshtatur prej CNN.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika