Policia e Kosovës ka njoftuar se ka arrestuar një person, i cili dyshohet se ka kryer veprën penale “Dhunë në familje”, ndaj bashkëshortes dhe vajzës së tij.
Policia ka bërë të ditur se personi është i moshës 42-vjeçare (Sh.S).
Tutje, bëhet e ditur se për shkak të një mosmarrëveshjeje, i dyshuari ka kërcënuar bashkëshorten dhe vajzën e tij.
Rastin, Policia e stacionit në Shtërpcë a ka pranuar rreth orës 17:00, ndërkaq rasti ka ndodhur në fshatin Firajë të Shtërpcës.
Kësisoj, pas intervistimit të të dyshuarit në stacion të Policisë në Shtërpcë, prokurori kujdestar nga Prokuroria Themelore në Ferizaj, ka vendosur që i dyshuari të dërgohet për 48 orë në mbajtje dhe rasti është cilësuar “Dhunë në familje”.
“Sot, rreth orës 17:00, Policia e stacionit në Shtërpcë ka pranuar një informacion se në fshatin Firajë të Shtërpcës ishte një rast i dhunës në familje. Në lidhje me këtë, policët hetues të Njësisë së Dhunës në Familje menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin SH.S (M/K) i moshës 42-vjeçar, i cili shkak i disa mosmarrëveshjeve kishte shkaktuar dhunë në familje, duke kërcënuar bashkëshorten dhe vajzën e tij. Policia të dyshuarin e ka shoqëruar në stacionin e policisë në Shtërpcë dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, dërgohet në mbajtje për 48 orë për procedura të mëtejme hetimore, ndërsa rasti është cilësuar ‘Dhunë në familje’”, thuhet në njoftimin e Policisë së Kosovës në Facebook.