Per ne
Emri i Korporatës “Dukagjini” është i lidhur ngushtë me përpjekjet e gjithanshme të
shoqërisë për nismat e ekonomisë private.Në saje të punës këmbëngulëse dhe të palodhshme të z. Ekrem Llukës, në vitin 1987 filloi punën Ndërmarrja Librare Botuese Tregtare “Dukagjini”, e cila shumë shpejt u bë një nga bartëset më të rëndësishme të zhvillimit ekonomik në komunën e Pejës dhe më gjerë.
Rrita e korporatës “Dukagjini” është e lidhur, para së gjithash, me Shtypshkronjën, njësi punuese më vete, e cila bashkë me simotrat: Shtëpia Botuese, Radio dhe Televisioni, Kompania e Sigurimeve Dardania, Libraria, Birra Peja, Factor Leasing, D3 Mobile, Hotel Dukagjini, Njësia Ndërtimore dhe Rrjeti Tregtar,etj, sajojnë Korporatën e mirënjohur nga të gjithë – “Dukagjini”.
Sot “Dukagjini” ka arritur kudo, duke zgjëruar vazhdimisht gamën e prodhimeve dhe të shërbimeve cilësore dhe besnikërinë profesionale te të gjithë afaristët.
Korporata “Dukagjini”, me qindra të punësuar, paraqet një hallkë të rëndësishme për zhvillimin ekonomik të Kosovës.
Dukagjini.com është pjesë e Radio Dukagjini-t dhe si i tillë ka përkrahjen e plotë të Korporatës DUKAGJINI.
Nga Radio deri tek Portali:
Radio Dukagjini ishte radio lokale, asokohe hodhëm një hap më shumë përpara dhe u
transformuam në kombëtare. Dhe jo vetëm kaq. Sot Radio Dukagjini dëgjohet në mbarë
botën, falë zhvillimit të hovshëm të teknologjisë. Dhe jo vetëm teknologjisë! Falë edhe punës
së dhjetra të punësuarve në Radio Dukagjini.Me idenë: “Gjithmonë në kërkim të të rejave në shërbim tuajin, planifikuam dhe realizuam, me entuziazmin e pashoq të ekipit, edhe një dritare të re mediale. Portali dukagjini.com. Interneti ka dërguar gazetarinë në një shkallë të re, shumë të zgjeruar në përmbajtje, çasje dhe shpejtësi. I tillë do jetë edhe dukagjini.com. Me dobësitë dhe problemet që kanë sot mediat e ‘vjetra’ kudo në botë, dalëngadalë po mbërrijmë te një linjë e re informimi. Interneti, mediat sociale, portalet e ndryshme, po sjellin një fuqi të re informimi!
Dukagjini.com synim kryesorë do të ketë: Lidhjen e shpejtë mes dërguesve dhe pranuesve të lajmeve dhe mundësitë e hapura të shfrytëzimit të tyre, depërtimin dhe praninë e tyre të pakufizuar në vend dhe kohë. Informacionet nuk do të jenë të thata, lexuesit do të zshoqërohen 24h me dy radio: “Radio Dukagjini” dhe “Dukagjini Hit Radio”. Premtojmë edhe për më shumë!
DUKAGJINI.COM
E mërkurë
22:00 – 00:00
Autore dhe prezantuese e të cilit është Leonora Fejza e cila qdo javë në programin e saj fton mysafirë në studio që jo
domosdoshmërisht duhet të jenë vetëm këngëtar, aktorë por edhe politikanë, shërbyes civilë, piktorë, fotografë, stilistë etj.
Flitet për jetërat e këtyre personaliteteve duke prekur edhe anët më pak të njohura të karakterit dhe jetës profesionale të tyre.
Në masë më të madhe muzika që transmetohet në “Dukagjini Live” përbëhet nga realizimet e fundit të produksionit vendor ku vendin
kryesor e zënë krijimet Pop, Rock, R&B etj. Shpesh ftohen këngëtar/e që interpretojnë “live” nga studio e Radio Dukagjinit.
Mos mungoni!
Dukagjini Live
E hënë – E premte
18:00 – 19:00
Autore dhe prezantuese e programit është Leonora Fejza. Në çdo broshurë, prezantim, reportazhë për
Prishtinën në mediat e huaja është dëshmuar se jeta e natës në Prishtinë është atraksioni i vetëm për
të rinjtë e vendit dhe të huajt që vizitojnë Kosovën. Nisur nga kjo Radio Dukagjini ka orientuar
këtë termin 1 orësh ekskluzivisht për jetën urbane të natës në kryeqytet dhe një herë në javë në
qytetet tjera (në rotacion). Emisioni ka karakter informues dhe argëtues. Emisioni dy herë në javë
përcjell muzikën e DJ-ve më të njohur në vend (e mërkurë-e premte). Në studio çdo dite ka mysafirë
nga aktualiteti kulturor-argëtues në vend. Radio Dukagjini ka krijuar marrëveshje – partneritet me klube,
kafiteri dhe gjithçka tjetër që përbën jetën e natës në Prishtinë. Secili klub promovon muzikën dhe atë
çfarë krijojnë për klientët. Versioni i ri i Lojës Shpërblyese u jep dëgjuesve 3 herë në javë dhurata të tipit:
Klubet e kryeqytetit do të ofrojnë për dëgjuesit rezervim gratis për një mbrëmje. Fituesit i organizohet
pritja më ekskluzive, duke filluar nga hyrja, rezervimi i tavolinës, pijet dhe shërbim special për 4 persona.
Alarm do të “lëvizë” një herë në javë nga qyteti në qytet , nga një Bar në tjetrin, duke prezantuar emisionin dhe
shërbimin që e ofron vendi ku ndodhet Alarm.
Sot gati çdo makinë ka navigacion – ju keni Alarm!
Alarm
E hënë – E premte 05:00 – 09:00
E shtunë 07:00 – 10:00
Ora 5 shënon fillimin e këtij programi me fjalët e urta, kuriozitete, kalendarin ditor, shtypin ditor dhe lidhje direkte telefonike me Policinë Kufitare, Institutin Meteorologjik të Kosovës, etj. Deri në ora 08:00 “Alo mirëmëngjesi” ka për autorë dhe prezantohet ditë pas dite nga Linda Gjakova dhe Feim Kurhasani. Të dielen spikat edhe “Rubrika për fëmijë”, një mini program i pasur i mëngjesit i cili ka karakter edukativo-arsimor për moshat e reja.
Nga e hëna deri të premten nga 07:30 deri 9:00 programi ka për autore dhe prezantuese Blerta Belegun. Të shtunën me Blerta Belegun/Albion Muhaxhirin/Edita Dolin/Leonora Fejzën nga ora 07:00 – 10:00 ku përpos shumë informacioneve tjera të ditës, zhvillohet bisedë me “Mjekun në studio” rreth temave më të rëndësishme mjeksore.
Ndodh që shpesh t’ju a prishim gjumin, por e bëjmë për të vetmen arsye, që nesër të bëni gjumë shumë më të mirë!
E hënë – E premte
10:30 – 12:00
Ky emision ka natyrë argëtuese dhe në vete përmban rubrika si: Informacioni kryesor dhe më interesant i ditës nga bota, tregohet çdo ditë për çfarë shënohet Dita Ndërkombetare, kuriozitete, prezantim i muzikës së vjetër ndër vite, hitet e së kaluarës dhe ditëve të sotme, ditëlindjet, krahasimi i muzikës dhe rikthim i këngëtarëve të vjetër. Kjo është përgjithësisht ajo çka përmban ky program i cili ka për autore dhe prezantuese: Linda Gjakova.
Çdo ditë ky emision në 30 minutat e fundit realizon lojën shpërblyese, lojë e cila dallon nga dita në ditë për nga mënyra e realizimit. Loja zhvillohet direkt me dëgjuesit dhe kërkohet nga ana e tyre të qëllojnë si vazhdon një fjalë e urtë, të kthejnë mbapsht për 3 sekonda një fjalë, lojën me numra, anagrame me emra personalitetesh nga vendi dhe bota.
Ju mund të jeni ATY ose KËTU, ne jemi në Radio Dukagjini!
E hënë: E premte 6:30 – 23:30
E shtunë: 7:30 – 22:30
E diel: 8:30 – 22:30
Është edicioni i Lajmeve Blic që ju jep mundësinë që çdo një orë të informoheni rreth ngjarjeve të ditës nga vendi, rajoni, bota, sporti, kultura dhe të dhënat për motin. Paanshmëria, shpejtësia dhe besueshmëria janë elementet që Lajmet Blic në Radio Dukagjini të mbledhin audiencë të madhe, si i vetmi vend ku dëgjuesit informohen çdo ditë për gjithçka ndodh.
Ne jemi aty ku ngjarja ndodh!
E martë
22:00 – 02:00
Emision i natës që për autor dhe prezantues ka Dukagjin Binakaj. Emisioni çdo javë diskuton për një temë të caktuar përmes kontakteve direkte telefonike. Gjithashtu kohë pas kohe telefonohen dhe inkuadrohen direkt në emision emra të njohur të botës së artit kryesisht, të cilët realizojnë diçka që është në interesin e masës. Emisioni zgjat 4 orë dhe në pjesë të caktuara të tij transmetohen këngë të ndryshme nga produksioni i huaj por edhe ai vendor.
E marta mbaron ndërsa e mërkura fillon me D&J!
Duki dhe Ju -DJ
E premte
22:00 – 02:00
Me Feim Kurhasanin i cili shfleton mes rreshtave të ngjeshur e të gjatë të thesarit të këngëve që koha u jep gjithmonë e më shumë vlerë. Edhe pse vitet kalojnë janë perlat e muzikës botërore me emra të spikatur të muzikës Jazz, Soul, Rock & Roll ata që ngjallin nostalgji për vitet e shkëlqimit të Elvis Presley, Barbara Streisand, Frank Sinatra e shumë të tjerë. Gjithashtu nga dëgjuesit merren opinione për tema aktuale kryesisht nga rrafshi politik duke prekur në thelb atë që nga populli cilësohet ngecje, shqetësim apo regres në lidhje me zhvillimet në vend.
Muzika është si vera – sa më e vjetër aq më e mirë!
E shtunë
12:20 – 14:30
Mesdita e së shtunës në Radio Dukagjini është e rezervuar për takimet e çdo jave me Feim Kurhasanin dhe një mori informacionesh e ngjarjesh që për dëgjuesit vinë në mënyrë ekskluzive. Kontakte me personalitete të ndryshme të jetës politike, kulturore, njerëz të zakonshëm që arrijnë të bëjnë gjëra me vlerë nga vendi dhe bota, bëhen pjesë e këtij programi që minutat e tij i shpenzon vetëm për ekskluzivitet. Ngjarjet ekskluzive nga vendi përcillen nga gazetarët në terren të cilët inkuadrohen direkt në program përmes metodave të ndryshme të komunikimit ashtu sikurse korrespondentët nga vende të ndryshme të rajonit dhe botës të cilët informojnë të parët dëgjuesit e Radio Dukagjinit.
Jeni të parët që merrni informacionin në mënyrë EXCLUSIVE!
E shtunë
17:30 – 18:30
Autor dhe prezantues i “Film n’Radio”: Ermal Panduri. Bota e filmit ështe e dashur për të gjithë. Janë të rallë ata njerëz që nuk e kanë një film të tyrin të preferuar. Duke e marr këtë si shkas do të vazhdohet të jetë i ftuar i javës një person publik, aktor/e, këngëtar/e, politikan/e, etj, me ç’rast mysafiri do të flet për filmin e tij/saj të preferuar, lojën e aktorëve dhe skenën më të bukur të filmit. Të gjitha këto shoqerohen me kolonat zanore të filmit të përzgjedhur nga mysafiri.
Gjysma tjetër e emisionit prej 30 minutash shërben për të prezantuar top rënditjen e filmave në rrafshin global, filmat më të shikuar të javës, info të ndryshme rreth aktorëve dhe të tjera.
Aty ku filmat ndiqen vetëm me vesh!
E hënë në mesnatë
00:00 – 02:00
Autor dhe prezantues i të cilit është Albatros Rexhaj. Gjatë emisionit emetohet muzikë dashurie. Balada të huaja dhe vendore nga të gjitha periudhat e muzikës. Këngët përzgjidhen në atë mënyrë që të gjitha së bashku e japin një mesazh që do të konsiderohet edhe si një lloj teme e emisionit. Gjatë moderimit komentohen këngët, mesazhi i tyre si dhe lidhja e këngës me temën e përgjithshme të emisionit. Poashtu, lexohen poezi, vargje dhe prozë e shkurtër dashurie. Emisioni nuk është kontaktues. Gjatë tërë javës, emisioni promovohet në faqen "Filozofia Urbane" në Facebook.
Relaksim i trupit dhe mendjes!
E enjte
22:00 – 02:00
Linda Gjakova na dërgon në vende të ndryshme të globit përmes “Fluturimit-udhëtimit në mesnatë”. Janë vendet më magjepëse që Linda i hulumton dhe dëshiron t’i ndajë edhe me ju në mënyrë që të keni më tepër njohuri për sa më shumë vende të bukura ekzistuese në botë e pse jo edhe t’i vizitoni këto vende kurdoqoftë. Nuk është e mjaftueshme t’ju thuhet se ky apo ai vend është në X kontinent apo X shtet, por me programin 4 orësh depërtohet përtej sipërfaqësores, deri te detajet më të vogla ku ju mund të gjeni akomodimin dhe kuzhinën më të mirë tradicionale të këtyre vendeve. Krejt çka duhet të bëni është të dëgjoni të relaksuar ngase fluturimi i së enjtes ju dërgon në pjesët më pitoreske të rruzullit.
Numri i pasagjerëve i pakufizuar!
E hënë – E premte
12:30 – 14:00
Programi ka karakter informues dhe autore/prezantuese janë: Sebiha Ramaxhiku dhe Blerta Belegu të cilët janë dhe prezantuesit e programit. Shtjellon ngjarjet më aktuale nga vendi, rajoni dhe bota përmes opinioneve, analizave, raporteve dhe korrespondencës nga shumë vende të Evropës dhe botës në tërësi. Gjithashtu gazetarët e deskut realizojnë tema që shtjellojnë në mënyrë të detajuar çështje të interesit të veçantë. Varësisht nga pesha që ka, për të diskutuar rreth një zhvillimi të caktuar, në emision ftohen shpesh edhe zyrtarë institucionesh dhe përfaqësues të shoqërive civile, pa munguar edhe zëri i qytetarëve përmes Vox Pop (intervistave).
Përveç ngjarjeve të fundit politike “FM Magazina” trajton edhe ngjarje kulturore dhe sportive. Rubrika e kulturës të hënën dhe të premtën përgatitet nga Leonora Fejza.
Nga ora 13:30 – 14:00 brenda emisionit FM Magazina, Radio Evropa e Lirë, ekskluzivisht për dëgjuesit e Radio Dukagjinit transmeton edicion special të lajmave.
Çdo të premtë, brenda emisionit në 10,15 minuta transmetohet rubrika “Eko Bonus” e cila trajton tema të ndryshme nga ekonomia vendore, rubrikë e cila përgatitet nga Naim Krasniqi.
Lajmin e fundit mund ta dëgjoni në FM MAGAZINA!
E hënë – E premte
14:30 – 16:00
Është program, autor dhe prezantues i të cilit është Gent Efendia. Emisioni ka karakter argëtues dhe në disa ditë të javës diskuton me të ftuarit në studio rreth temave të caktuara. Gjithashtu merren edhe mendimet e dëgjuesve përmes SmS. Pjesë e emisionit janë edhe zhvillimet e shumta nga show bizz vendor, ku një ose disa informacione që kanë bërë “boom” i nënshtrohen testit të së vërtetës. Janë vetë dëgjuesit që me votat e tyre përcaktojnë nëse informacioni është ose jo i vërtetë.
Hit Show në Hit Radio!
E shtunë
21:00 – 23:00
Ky emision pergatitet nga një pjesë e teknikëve të Radio Dukagjinit në forme rotacioni: Orest Grapci, Arsim Limani, Samir Muhaxheri dhe Shpat Komoni (secili nga një javë). Emision që ju jep mundësine atyre brenda 2 orëve të përgatisin setet e tyre me muzikën që kanë përzgjedhur. Përzgjedhja diktohet nga shija personale muzikore e teknikut dhe ai, siç e thotë edhe vetë emri i emisionit, është i lirë të vendos çfarë t’i dojë zemra brenda dy orësh.
Kusht është që muzika të ketë vlerë duke ju shmangur rrymave tallava, etj dhe koncepti është ky: Secili teknik tregon zotësinë e tij që këngët t’i lidh me njëra tjetrën në mënyrën më të mirë të të mundshme, duke hulumtuar këngë që kanë lidhje në harmoni, në ritëm, instrumente.
Është termin ideal peë muzikë që ja vlen të dëgjohet.
Ata janë të lire të luajnë muzikë – ndjehuni edhe jut ë lire të shijoni muzikën e tyre!
E mërkurë në mesnatë
00:00 – 02:00
2 orë të plota shoqërimi me Albion Muhaxhirin - Abin. Në 60 minutat e para të emisionit dikutohet për temën e cila në profilet e Kapak Show në Facebook (Kapak Show dhe Kapak Show (official)) postohet qysh herët gjatë ditës në mënyrë që dëgjuesit ta kenë mundësinë që me kohë të njihen me temën dhe të lënë komentet e tyre. Për 120 minuta sa zgjat emisioni, transmetohen këngë argëtuese modern nga produksioni vendor dhe i huaj / kombinim. Diskutim temash, muzikë e bukur dhe humor pa fund në
…Ka pak show me Abin!
Kapak Show
E hënë – E premte
16:00 – 16:15
Janë “Lajmet Qendrore” të ditës ato për të cilat punon 24 orë një staf i tërë gazetarësh nga desku informativ i Radio Dukagjinit. Me në krye redaktoren përgjegjëse Sebiha Ramaxhiku, desku mbledh dhe prezanton për 15 minuta zhvillimet më të rëndësishme të ditës duke u bërë shpesh referencë e mediave tjera brenda dhe jashtë vendit. Me lajmet politike nga vendi, rajoni, bota si dhe informacione të tjera nga kultura, sporti, bashkë me të dhënat për motin, ky edicion lajmesh mbetet burim i vazhdueshëm informacioni për një audiencë të madhe që mbledh radio më e dëgjuar në vend. Edicioni i lajmeve qendrore veçohet për paanshmërinë dhe stilin unik të ndërtimit të lajmit me të vetmin destinacion – dëgjuesit!
Ne jemi aty ku ngjarja ndodh!
E diel
18:30 – 19:30
Top Lista Shqiptare përmban 10 këngë të cilat renditen në bazë të votave që dëgjuesit dërgojnë në email: radiohitet@dukagjini.com dhe faqen e Facebook: Radio Hitet – Radio Dukagjini.
Top Lista Shqiptare është treguesi më i mirë se çka audienca e Radio Dukagjinit pëlqen më shumë nga muzika moderne e vendit dhe njëherit stimulon vetë artistët të rrisin produktivitetin dhe cilësinë e muzikës që kultivojnë. Autor dhe prezantues i Top Listës Shqiptare është Dardan Belegu.
Konkurenca është e jashtëzakonshme – Ata bëjnë më të mirën për të qenë numër 1!
Radio Hitet
E mërkurë
22:00 – 00:00
Autore dhe prezantuese e të cilit është Leonora Fejza e cila qdo javë në programin e saj fton
mysafirë në studio që jo domosdoshmërisht duhet të jenë vetëm këngëtar, aktorë por edhe politikanë,
shërbyes civilë, piktorë, fotografë, stilistë etj. Flitet për jetërat e këtyre personaliteteve duke prekur edhe anët më pak të njohura të karakterit dhe jetës profesionale të tyre. Në masë më të madhe muzika që transmetohet në “Dukagjini Live” përbëhet nga realizimet e fundit të produksionit vendor ku vendin kryesor e zënë krijimet Pop, Rock, R&B etj. Shpesh ftohen këngëtar/e që interpretojnë “live” nga studio e Radio Dukagjinit.
Dukagjini Extra
E shtunë – E diel
10:00 – 12:00
Është autorja dhe prezantuesja Jehona Bajrami e cila zgjedh informacionet dhe ngjarjet më aktuale të
javës dhe i kthen në tema diskutimi me dëgjuesit. Diskutime brenda të cilave nuk mungon sensi i humorit e të cilat bëjnë që paraditet gjatë fundjavave të jenë të gjalla
dhe plot atmosferë. Me muzikën e zgjedhur me plot shije dhe sensin pozitiv të komunikimit, Pak Pas mbetet miku më i mirë dhe Jehona mikesha juaj.
09:55 ... Pas Pak në “Pak Pas”!
Pak Pas
E diel
Është emision i sportit që përcjell dhe transmeton direkt ndeshjet e së dieles nga Superliga e Kosovës në futboll, basketboll dhe hendboll. Përmes reporterëve që përcjellin nga afër takimet, e gjithë atmosfera dhe rrjedha e ndeshjeve kalon deri te dëgjuesit të cilët njihen me rezultatet dhe gjithçka tjetër ndodh në terrenet sportive. Gjithashtu ky emision tregon në kohë reale rezultatet e takimeve në ligat më prestigjioze të futbollit evropian dhe rrjedhen e garave në Formula 1. Bartës i Pasditës Sportive është Tomor Grabovci.
Fundjavë e mbushur me sport!
E hënë – e premte
09:00 – 11:00
Autor dhe prezantues të emisionit: Arben Rexhepi dhe Edita Doli. Me rubrika të ndryshme si “Be a star”, në kërkim të talentëve! Ju mund të jeni zëri i radios në të ardhmen. Ju pëlqen të këndoni, të lexoni lajmet, të bëni një emision argëtues në radio, tashmë e keni mundësinë të shprehni talentin tuaj. Regjistroni zërin tuaj për 30 sekonda dhe dërgojeni në radar@dukagjini.com, për tu bërë pjesë e audicionit ”Bëhu yll/Be a star”. Dy herë në javë prezantohen konkuruesit, ndërkohë përzgjedhja bëhet nga një juri profesionale. Të tjera rubrika si: Personazhi i javës “Me pahiri” (biznesmen, pensionist, student, etj), vizitë studentëve ose nëpër konvikte, banesa me cimerë etj, përzgjidhen 4-5 numra për t’i telefonuar që lëshojnë banesa me qera, ose të atyre që kërkojnë banesë me qera. Bisedat që zhvillohen janë shumë “funny”! “Vende të lira pune”, ftohen bizneset t’i lajmërohen programit. 2 propozime: Pro dhe Kontra (p.sh Femër apo mashkull) votohet nga dëgjuesit.
Ndërkohë varësisht nga tema më herët regjistrohen porositë e dy personazheve publikë të cilët japin mesazhet pro njërës nga opsionet e temës. Vizitë ortopedisë, tregimet e atyre që kanë thyer dorën, këmbën, qafën, në çdo ditë të programit si dhe ngjarje te tjera. Tregime nga persona të ndryshëm, ndodhi të vërteta por humoristike. “Horoskopi i Vikendit”, rubrikë e cila realizohet çdo të premte ku lexohet horoskopi i vikendit, karakterizohet edhe me Vox-at nga terreni se sa njerëzit i besojnë horoskopit, a ua ka qëlluar ndonjëherë, dëgjuesit ndërlidhen me atë se a ua qëlloj horoskopi nga vikendi i kaluar.
Ne ecim me ritëm të shpejtë, na ndiqni po kujdes nga RADARI!
Radar
E hënë – E premte
16:20 – 18:00
Batutat - forret, ironia, sarkazma janë elementet kyçe që e karakterizojnë programin argëtues të pasditës , autor dhe prezantues i
të cilit është Albion Muhaxhiri – Abi dhe bashkëprezantues Dardan Belegu – Trakla. Merret me shtjellimin e temave më aktuale nga
vendi dhe bota duke ilustruar gjithçka me shumë humor dhe duke thumbuar me sens dhe etikë. Në emision nuk mungojnë bisedat në
studio ose përmes telefonit me protagonistët e ngjarjeve më aktuale nga politika, kultura, arti/muzika, sporti të cilët
domosdoshmërisht bëhen pjesë dinamike e programit i cili kurrsesi nuk bën të jetë ndryshe. Informacionet e fundit nga Show Bizz
ndërkombëtar, shoqëruar me muzikën e shumëllojshme. Shumë këngëtar/e, grupe muzikore që më pas u ngritën hovshëm në karrierë kishin
intervistat e tyre të para në “Reload”.
Reload të rimbush me energji, s’ka rëndësi a je në punë, makinë apo shtëpi!
Reload
E shtunë
23:00 – 03:00
Është nata e së shtunës që ju fton të jeni pa gjumë, me Arben Rexhepin – Benin dhe Eroll Grapcin Emisioni tash e sa vjet ka ndërtuar
formatin e një programi mjaft popullor po që ndjek edhe sot të njejtin trend të komunikimit më urban me dëgjuesit. Me tema, lojëra,
biseda me plot “thumba” që vinë natyrshëm dhe spontanisht nga dyshja Beni – Erolli të cilët trajtojnë me mjaft humor çështje të
përditshmërisë sonë me gjithë vrazhdësitë dhe bukuritë e saj.
Rrini pak pa gjumë - nesër është ditë pushimi!
Rrini pak pa gjumë
E diel
20:00 – 22:00
Nga Tomor Grabovci. Deklarata, intervista me sportistë në studio ose të regjistruara, trajnerë të licensuar nga UEFA, njohës të disiplinave të ndryshme sportive rreth ngjarjeve që e karakterizuan një javë të tërë sportive në vend dhe më gjerë. Brenda emisionit kumtohen edhe rezultatet e takimeve që luhen në terminin e programit, nga ligat më të njohura evropiane të futbollit. “Studio e sportit” ka për qëllim krahas informimit të saktë edhe promovimin sa më të madh të sportit-sportistëve vendor dhe gjithë të tjeravë që punojnë për zhvillimin e sportit tonë.
Mendja e shëndoshë në trup të shëndoshë!
E shtunë
18:30 – 20:00
Vjen nga Dukagjin Binakaj. Hitet e padiskutueshme, këngë që pushtojnë toplistat më në emër brenda kufijve të Evropës e përtej Atlantikut, në SHBA si: Top USA, Top UK, EU, bëhen pjesë e këtij programi muzikor i cili prezanton këngëtar/e dhe grupe muzikore që lënë gjurmë të pashlyera në muzikën botërore. Këngët përcillen edhe me historinë e kalimit në kohë të këngës duke treguar se çfarë e bën një këngë dhe një arstist të veçantë që të arrijë sukese marramendëse e të grumbulloj një numër të madh jo vetëm të fansave por edhe parave. Top 20 në 90 minuta
Janë 90 minuta për të mos u humbur!
E diel
22:00 – 02:00
Është termini më i gjatë i rezervuar enkas për muzikën burimore shqiptare, muzikën popullore që prezantohet nga Fitim Behluli i cili me gjithë njohuritë që ka për këtë zhanër të muzikës sonë përcjell deri tek dëgjuesit atmosferën e sofrave të dikurshme të muzikës gjakovare, pejane që edhe sot janë mjaft popullore dhe përbejnë një pjesë të rëndësishme të traditës sonë kulturore, atdhetare dhe artistike. Krijime të muzikës popullore vinë edhe nga trevat tjera shqiptare enkas në “Top Pop Folk”. Në program zhvillohen edhe biseda direkte me emrat më të shquar të muzikës popullore shqiptare ditëve të sotme e duke kujtuar emrat e mëdhenjë që vunë themelet e kultivimit të kësaj kulture të lashtë shqiptare.
Le të këndojnë zemra e shpirti!
E hënë – E premte
14:00 – 14:30
Emision kushtuar sportit në përgjithësi, me trajtimin e temave dhe ngjarjeve të ndryshme sportive, analiza dhe komente nga ekspertët e sporteve përkatëse. Çdo ditë me infrmacionet e fundit nga arena vendore dhe ndërkombëtare e sportit. Autor dhe prezantues të këtij emisioni janë Tomor Grabovci, Arben Rexhepi dhe Festim Topalli.
Të dëgjoni Duelin Sportiv – jeni fitues gjithsesi!
E hënë – E premte
21:00 – 22:00
Programi nuk ka prezantues në studio por punohet nga Festim Topalli. Merren Vox Pop nga qytetarët dhe ata tregojnë se çka ka të re nga jeta e tyre personale. Psh: Mjafton që dikush të thotë “Dje e kam dhënë një provim dhe jam shumë i/e lumtur…“. Thelbi është që dëgjuesit të familjarizohen me këtë emision dhe të mësojnë se nëpër çka kalojnë të tjerët ose çka i bën të tjerët të gëzohen ose të hidhërohen, o të ndihen të pakënaqur në një rast të caktuar! Bashkë me Vox Pop, përveç muzikës së rregullt moderne nga produksioni vendor dhe i huaj, kohëpaskohe bëhet lidhja e web radiove me Radio Dukagjinin dhe kuptohet se çfarë po shkon në transmetim në një moment të caktuar nga radiot tona online.
Të kesh çfarë të thuash, kjo është çështja!
E hënë
22:00 – 00:00
Programi i natës i cili vjen nga Gent Efendia që njëherit është edhe autor i këtij programi dhe Arsim Limani i cili është bashkëprezantues. Programi çdo të hënë në mbrëmjë për 2 orë të tëra sjell fillimisht kuriozitete të ndryshme për të vazhduar diskutimet rreth një teme të “nxehtë” me dëgjuesit që mendimet e tyre i shprehin përmes SmS, telefonatave direkte dhe komenteve në Facebook / profili Zippy Show. Emisioni është i drejtpërdrejt dhe njihet për natyrën e lirë të komunikimit me dëgjuesit të cilët tregojnë një pjesëmarrje aktive në të. Muzika e Zippy Show është përzirje mes rrymave moderne dhe herë herë muzikës komerciale nga vendi dhe bota.
Gazmorët!
Zippy Show
Riza Lluka
Gent Efendia
Arben Rexhepi
Albion Muhaxhiri
Arsim Limani
Blerta Belegu
Dardan Belegu
Dukagjin Binakaj
Edita Doli
Ermal Panduri
Eroll Grapci
Ervin Behluli
Feim Kurhasani
Festim Topalli
Fitim Behluli
Flora Rama
Gent Gorani
Samir Muhaxheri
Leonora Fejza
Linda Gjakova
Liridona Lluka - Gashi
Mehmet Trakaniqi
Naim Krasniqi
Orest Grapci
Sebiha Ramaxhiku
Shpat Komoni
Shpresa Rama
Tomor Grabovci
Riza Lluka
Riza Lluka është Inxhinier i Ndërtimit. Delegat i Kuvendit të Kosovës gjatë viteve 1982-1990 dhe anëtar e kryetar i Këshillit për Urbanizëm dhe Punë për Urbanizëm dhe Punë
Gent Efendia
Lindur në Gjakovë më 16 shtator 1982, jeton në Prishtinë. Ka punuar për disa vite në dy radio private në Gjakovë. Ka filluar punën në Radio Dukagjini nga janari i vitit 2002.
Arben Rexhepi
Emri im ëshë Ben – Arben. Mbiemri Rexhepi. Shokët më thërrasin Beni, nejse edhe në shtëpi më thërrasin kështu e të tjerët ndonjëherë edhe Arben!
Albion Muhaxhiri
Publikisht e njohin më shumë si Abi. U lind më 21 shtator 1983 në Gjakovë. Shkollën fillore dhe të mesme e kreu në vendlindje. Mbaroi shkollën
Arsim Limani
Arsim Limani u lind papritur në spitalin e Prishtinës më 9.07.1984, kah ora 03:00 e diçka , në prezencë të mamiave dhe gjinekologut. Shkollën fillore e përfundova në
Blerta Belegu
E lindur në Prishtine më 4.5.1982. Çerdhën, nivelin parashkollor, shkollën fillore në “Meto Bajraktari”, të mesmen në gjimnazin “Sami Frashëri e në
Dardan Belegu
Dëgjuesit kryesisht e njohin si Trakla. I lindur në Prishtinë më 11.7.1980. Prindërit me prejardhje nga Peja. Jetova në një lagje (Dardania) me përzirje etnike
Dukagjin Binakaj
Ka lindur në Drenoc të Deçanit, më 30.07.1969. Shkollën fillore dhe të mesme e kreu në vendlindje për të vazhduar studimet universitare në Kroaci, me ç’rast
Edita Doli
Eh…unë jam Edita DOLI dhe kam lind në qytetin e Gjakoe studimeve në Prishtinë fillova edhe punën në radion më të dëgjuar në vend, Radio Dukagjini. Nga gjitha
Ermal Panduri
Ermal Panduri u lind më 16.04.1985 në Pejë. Pas përfundimit të Fakultetit të Arteve- Dega Aktrim, në vitin 2006 filloi të punojë për audiomediumin më të fuqishëm në vend
Eroll Grapci
I lindur më 7.1.1980 në Pejë. Kam filluar studimet në Fakultetin e Gjuhës angleze, pa arritur ta përfundoj. Kam përfunduar për Cisco Academy CCNA 4.
Ervin Behluli
I lindur në Pejë më 15.4.1979. Shkollën fillore e kreu në qytetin e lindjes. Përfundoj shkollën e mesme teknike gjithashtu në Pejë për t’ju përkushtuar në
Feim Kurhasani
U lind më 01.12.1950 në Gjakovë. Me përfundimin e shkollimit të mesëm nis studimet për Juridik duke përfunduar vetëm 2 vite. Ka filluar të merret me gazetari profesionale që nga viti 1973
Festim Topalli
U lind në Pejë me 23.02.1985. Shkollën fillore dhe të mesme i kreu në Pejë. Diplomoi në Universitetin “Haxhi Zeka” në degën e biznesit, përndryshe një entuziast i madh i filmit dhe librit, po ashtu sportit dhe muzikës. Në moshë shumë të re punësohet
Fitim Behluli
Fitim Behluli u lind në Pejë më 2.5.1981. Ka kryer shkollën fillore dhe të mesme në Pejë ndërsa studimet universitare i vazhdon në Universitetin AAB – Komunikim Masiv
Flora Rama
Ka lindur në Pejë, më 26.03.1970. Shkollën e mesme e kreu në vendlindje në Shkollën e Mesme Ekonomike , dega Afarizëm financiar.
Gent Gorani
Gent Gorani u lind më 20 qershor 1990 në Prishtinë. Shkollën fillore dhe të mesme e kreu në Pejë. Në kohën sa ishte në Pejë, e regjistroi shkollën e mesme të arteve aplikative
Samir Muhaxheri
Kam lind në qytetin e Pejes, shkollën fillore dhe të mesme e kam mbaruar po ashtu ne qytetin e Pejës. Pas mbarimit të shkollës së mesme jam punësuar në ndërmarjen tregtare “17 Nëntori”
Leonora Fejza
Ka të mbaruar shkollën fillore “Enver Hadri” në Smrekonicë, dhe të mesmen në gjimnazin “Eqrem Çabej” në Vushtrri. Studion në Universitetin e Prishtinës në Fakultetin Ekonimik - dega Banka dhe Financa
Linda Gjakova
E lindur në Pejë më 2.7.1963. Fëmija i parë i Seit dhe Ajshe Lipës. Pak muaj pas lindjes sime, ata vendosën të jetojnë në Prishtinë. Prandaj, i gjithë shkollimi im në vazhdim, duke filluar nga “foshnjorja”
Liridona Lluka - Gashi
U lind më 1.6.1982 në Pejë. Ka diplomuar në Fakultetin e Gazetarisë “Faik Konica” në Prishtinë, si dhe ka përfunduar studimet për Master të Shkencave në degën e Komunikimit Masiv dhe Gazetarisë
Mehmet Trakaniqi
Mehmet Trakaniqi lindi më 6.3.1976 në Pejë, qytet në të cilin edhe sot jeton. Shkollën fillore e kreu në vendlindje në shkollën “Asdreni” për të vijuar me të mesmen, Gjimnazin “Bedri Pejani”
Naim Krasniqi
U lind më 28 dhjetor 1983 në Malësi të Vogël (Radoste) - Rahovec. Shkollën fillore e kreu në vendlindje. Mbaroi shkollën e mesme të muzikës “Lorenc Antoni” në Prizren
Orest Grapci
I lindur me 28.03.1982 në Pejë. Shkollimin e mesëm e kreu në Pejë, në Shkollën e Mesme Teknike “Shaban Spahija” në Pejë. Ka të përfunduar gjithashtu Cisco Netëork Academy – CCNA.
Sebiha Ramaxhiku
U lind në Mitrovicë më 15.11.1955. Një përvojë e gjatë gazetareske e filluar si studente e gazetarisë në vitin 1976, atëbotë në programine e dytë të Radio Prishtinës. Radioja mbetet mediumi më i preferua
Shpat Komoni
Quhem Shpat Komoni (në spanjollisht Shpatinjo). I gjatë 2 metra pa 15 cm, i trashë aspak. Vendlindja ime është Gjakova, aty përfundova shkollën fillore dhe të mesme (gjimnazin), që me një fjali mund të them që ishte periudha
Shpresa Rama
Shpresa Rama lindi më 21.2.1964 në Pejë. Ka të përfunduar shkallën e IV profesionale të muzikës, dega bashkëpunëtore e muzikës në diskotekë dhe fonotekë. Punen e fillon si arsimtare
Tomor Grabovci
Tomor Grabovci lindi më 10.1.1973 në Pejë. Shkollën fillore dhe te mesme e kreu në vendlindje ndërsa vijoi studimet në Fakultetin e Kimisë të Universitetit të Prishtinës. Me gazetari
